MeDuSa

Ὠκεανοῦ καλέω νύμφην, γλαυκώπιδα Τηθύν,

κυανόπεπλον ἄνασσαν, εὔτροχα κυμαίνουσαν,

αὔραις ἡδυπνόοισι πατασσομένην περὶ γαῖαν.

Θραύουσ αἰγιαλοῖσι πέτρῃσί τε κύματα μακρά,

εὐδινοῖς ἁπαλοῖσι γαληνιόωσα δρόμοισιν,

ναυσὶν ἀγαλλομένη, θηροτρόφος, ὑγροκέλευθε·

μήτηρ μὲν Κύπριδος, μήτηρ νεφέων ἐρεβεννῶν

καὶ πάσης πηγῆς νυμφέων νασμοῖσι βρυούσης·

κλῦθί μου, ὦ πολύσεμνε, καὶ εὐμενέουσ ἐπαρήγοις,

εὐθυδρόμοις οὖρον ναυσὶν πέμπουσα, μάκαιρα.

Υμνωδία: Βασιλική Λαβίνα